Home > La puèšia ad Muratori > Al fòj mòrti

In autón j èrbur is spòja,/ caschèda l’utma fòja,/ j’arvènza si rèm nud,/ tn invèrne läng e crud.

Al fòj a mièra e mièra,/ al s’amòcia ma tèra,/ al per un camsènt,/ da fèi sóra un piènt.

Lóri quand ch’al mòr,/ al cambia e’ culór,/ da vérd a vérdòun,/ da zaltin a maròun.

Da bèli cum ch’agl’jéra,/ adès agl’jè purchèra,/ un po’ sèchi e scartuzèdi,/ un po’ marzìdi e insupèdi.

Du ch’l’è fnìd che bèl culór?/ in gnint! L’è la vita ch’la cór!/ U s’arvidrà cum ch’l’éra,/ t al fòj nòvi a primavéra.

L’è tót un va e’ vèin,/ óra incóntre ma la fèin,/ óra incóntre ma la vita,/ al va avènti all’infinida.

E la fujtina apèina néda,/ la crès cmè l’insalèda,/ la dvèinta bèla granda,/ pu la casca cumè la gianda.

Tla tèra du ch’la marzès,/ e du che in gnint la finès,/ tachèda ma la piènta,/ pròunta per fén nas un’ènta.

Ivano Aurelio Muratori

In autunno gli alberi si spogliano,/ caduta l’ultima foglia,/ rimangono coi rami nudi,/ in un inverno lungo e crudo.

Le foglie a migliaia e migliaia,/ si ammucchiano per terra,/ sembrano un cimitero,/ da farci sopra un pianto.

Loro quando muoiono,/ cambiano colore,/ da verde a verdone,/ da giallo a marrone.

Da belle come erano,/ adesso sono una porcheria,/ un po’ secche e accartocciate,/ un po’ marcite e inzuppate.

Dov’è finito quel bel colore?/ in niente! È la vita che corre!/ Si rivedrà com’era,/ nelle foglie nuove a primavera.

È tutto un va e vieni,/ ora incontro alla fine,/ ora incontro alla vita,/ vanno avanti all’infinito.

E la fogliolina appena nata,/ cresce come l’insalata,/ diventa bella grande,/ e poi cade come la ghianda.

Nella terra dove marcisce,/ e dove in niente finisce,/ vicino alla pianta,/ pronta per farne nascere un’altra.

Ultimi Articoli

Scroll Up