Home > La puèšia ad Muratori > Am sò insugnè la fèva

Stà nòta int la mi chèša,
ò insugnè d’és tna prèša,
a magnèva fèva e pèn,
in cumpagnia dl’urtlèn.

Un bazèl dòp un bazèl,
la sarà stè un quintèl,
mo magnèda ma la piènta
lan parèva gnènca tènta.

E la fèva tra l gambi,
lam crisèva tal mudandi,
l’avéva pròpie bšägn,
mo l’éra sna un insógn.

E a jò dét ma la mi möj,
u jè la fèva da còj,
va da l’urtlèn per piašér,
e fatne dè un bèl pagnér.

Fà pu té e pu semàj,
tat fè dè un bòn furmàj,
tò magari e’ piguréin,
che sla fèva e’ casca béin.

E’ furmaj in tót i mòd,
una muliga e’ fà gód,
e la fèva bèla frèsca,
la švégia la franzèsca.

Té va che mè a t’aspèt,
a pripèr te zardinèt,
nu stà in zir una masa,
che la fèva la s’amòsa.

Léa l’è artòrna a mezdé,
e mu mè ch’a stèva ilé,
la m’à dét dai dat pèša,
a sò stè sl’urtlèn tla prèša.

U n’ò fat ròbi stréni,
ò ciap la fèva tal mèni,
a l’ò mèsa te pagnér,
e am sò cavè e’ pensièr.

E’ pènsièr a l’ò mè,
mo duvè che t ci stè?
Sl’urtlèn per còj la fèva,
quatr’òri, t ci stè brèva!

Ivano Aurelio Muratori

HO SOGNATO LA FAVA

Questa notte nella mia casa,/ ho sognato di essere in una presa,/ mangiavo fava e pane,/ in compagnia dell’ortolano.

Un baccello dopo baccello,/ sarà stata un quintale,/ ma mangiata alla pianta,/ non sembrava neanche tanta.

E la fava tra le gambe,/ mi cresceva nelle mutande,/ aveva proprio bisogno,/ ma era solo un sogno.

E ho detto a mia moglie,/ c’è la fava da cogliere,/ va dall’ortolano per favore,/ e fattene dare un bel paniere.

Fai pur tu e poi semmai,/ ti fai dare un buon formaggio, /prendi magari il pecorino,/ che sulla fava ci casca bene.

Il formaggio in ogni modo,/ un po’ fa godere,/ e la fava bella fresca,/ sveglia la francesca.

Tu vai che io ti aspetto,/ preparo nel giardinetto,/ non stare in giro molto,/ che la fava si ammoscia.

Lei è ritornata a mezzogiorno,/ e a me che stavo lì,/ ha detto, dai datti pace,/ sono stato con l’ortolano nella presa.

Non ho fatto cose strane,/ ho preso la fava nelle mani,/ l’ho messa nel paniere,/ e mi son tolto il pensiero.

Il pensiero ce l’ho io,/ ma dove sei stata?/ con l’ortolano per cogliere la fava,/ quattro ore, sei stata brava!

 

Ultimi Articoli

Scroll Up