Home > La puèšia ad Muratori > At chèša tra pc e tèlèvišiòun

At chèša tra pc e tèlèvišiòun

Tótóz a sò stè at chèša,
sla tèlèvišiòun zèša,
sla mi möj ch’lam la smòrta,
che ma léa lan gn’impòrta.

La cunsöma tròpa luša,
epù la diš ch’ las bruša,
té fiòc a dì qualcosa,
léa l’è una tignòša!

An stàg gnènca da sintì,
ma quèl ch’lam stà a dì,
šmòrta quèst e šmòrta quèl,
an pòs truvè pèša invèl.

Am séra stèš sóra e’ lèt,
e a zughèva sè tablèt,
si pìd sóra e’ cušèin,
ch’un gn’è stè per gnint bèin.

E la m’à dét isé:
a lavór pjó ca ne té
e an stàg dré a fét e’ lèt
tan pò avè pjó rispèt?

Per nu vèrz la discusiòun,
a jò dè sóbti rašòun,
al sò cum ch’la va fnì,
e a sò andè zènd e’ PC.

Ènca quèl ui déva dan,
diš ch’a féva tròp malan,
e che a zcuréva fòrt,
e per tènt la l’à šmòrt.

Alóra a jò det isé:
dim té cuš ch’ò da fè,
quel ch’a faz un ti va bèin,
vòt ch’a vaga te cašèin?

Na na, la m’à dét léa,
a l’ò mè una idéa,
at pòrt a magnè e’ pès,
che iqué ta t’incarugnès!

Ivano Aurelio Muratori

IN CASA TRA PC E TELEVISIONE

Tutt’oggi sono stato in casa,/ tra PC e televisione accesa,/ con mia moglie che me la spegne,/ che a lei non interessa.

Consuma troppa luce,/ e poi dice che si brucia,/ nel fiocco a dir qualcosa,/ lei è una tignosa!

Non sto neanche a sentire,/ a quello che mi sta a dire,/ spegni questo è spegni quello,/ non posso trovar pace da nessuna parte.

Mi ero steso sopra al letto,/ e giocavo col tablet,/ coi piedi sul cuscino,/ che non le è stato per niente bene.

E mi ha detto così:/ lavoro più di te,/ e non sto dietro a farti il letto,/ non puoi avere più rispetto?

Per non aprire la discussione,/ le ho dato subito ragione,/ lo so come va a finire,/ sono andato ad accendere il PC.

Anche quello le dava fastidio,/ dice che facevo troppo rumore,/ e che parlavo forte,/ e pertanto lo ha spento.

Allora le ho detto così:/ dimmi tu cosa devo fare,/ quello che faccio non ti va bene,/ vuoi che vada nel casino?

No no, mi ha detto lei,/ ho io una idea,/ ti porto a mangiare il pesce,/ che qui ti incarognisci!

Ultimi Articoli

Scroll Up