Home > La puèšia ad Muratori > E’ fóma e’ zighèr!

E’ stà s‘na scaranaza,
e’ ciapa e’ sól tla faza,
e’ pòrta d’jucél nér,
e un brét da guerigliér.

Sè fè d’amèrichén,
si pid sóra e’ tavulén,
e’ bicér sè whisky e giaz,
us la gód e un fà un caz.

Sna una ròba e’ fà bèin,
fumè e’ zighèr cubèn,
e da bòn intenditór,
ui sint prima l’udór.

Pu u s’è prèla fra al dèdi,
sèimpre tòti infunghèdi,
e ch’ lis ciapa la briga,
da šmurbièl ‘na muliga.

E’ zighèr s’jabre ul bagna,
sè su spud u l’imprègna,
ui dà fóg si furminènt,
pu una tirata ognitènt.

E’ via via ch’ e’ bruša,
säta e’ nèš us l’anuša,
e’ rèspira e’ fóm putèint,
ch’u j inzalès i dèint.

La zèndra la va ma tèra,
tènimòdi u jè la gèra,
in fat d’éducaziòun,
l’è pròpie un zuticòun.

Ló e’ sa fè j’anèl,
che sè fiè e’ spénz té zél,
e’ per quèst e’ fumadòr,
l’è davéra un atór.

E’ zighèr ui dà un èria,
de tót rivuluziunèria,
da fèl surmiè magara,
sinènt ma Che Guevara.

Ivano Aurelio Muratori

FUMA IL SIGARO!

Sta s’una sedia,/ prende il sole in faccia,/ porta degli occhiali neri,/ e un berretto da guerrigliero.

Con il fare d’americano,/ coi piedi sopra al tavolino,/ il bicchiere con whisky e ghiaccio,/ se la gode e non fa un cazzo.

Solo una cosa fa bene,/ fumare il sigaro cubano,/ e da buon intenditore,/ ci sente prima l’odore.

Poi se lo gira fra le dita,/ sempre tutte affumicate,/ e che si prendono la briga,/ di ammorbidirlo un pochino.

Il sigaro con le labbra lo bagna/ con la sua saliva lo impregna,/ lo accende coi fiammiferi,/ poi una tirata ogni tanto.

E mano mano che brucia,/ sotto il naso se lo annusa,/ respira il fumo potente,/ che gli ingiallisce i denti.

La cenere va per terra,/ tanto c’è la ghiaia,/ in fatto di educazione,/ è proprio uno zoticone.

Lui sa fare gli anelli,/ che col fiato spinge in cielo,/ e per questo il fumatore,/ è davvero un attore.

Il sigaro gli dà un aria, / del tutto rivoluzionaria,/ da farlo assomigliare magari,/ fintanto a Che Guevara.

Ultimi Articoli

Scroll Up