I vò vèrz e’ Pòunt d Tibèrie!/ an crèd chi faza se sèrie,/ per gl’jelèziòun i l’à sparéda,/ e jà ciap ‘na cantunèda.
E’ pòunt l’à dumèlan,/ e’ stà in pid bèinché in afan,/ fin adès u s’è salvè,/ mo u ne rèz un zcòrs isé!
Pròpie òz che finalméint,/ l’è tratèd da monumèint,/ sl’invèš ch’ui fa da lèg,/ vèrzle dl’èlt e’ saria un šbrèg.
L’è un pòunt ch’l’è stupènd,/ e l’infèzna ch’e’ rènd,/ l’è dla Rèmin ch’la è stèda,/ quand ch’la éra apèina nèda.
Adès ilé bel e splendèint,/ sla patina de tèimp,/ quand tal guèrd da fés,/ tl’Ariminum ut pèr d’ès.
A védle còuntra la calèda,/ sla lušà basa e šmurzèda,/ e’ fà un èfèt sènsaziunèl:/ l’è e’ pòunt rumèn pjó bèl!
Ad nòta, sal zinc archèdi,/ tóti quanti iluminèdi,/ sal stèli e la luna sóra,/ l’è pjò bèl ancóra.
Mo un gn’é miga sna quèl,/ u jè dimpèt un gran piazèl,/ si pòst da stè dasdè,/ per chi l’avduda us vò gudè.
U jè ‘na vésta, per chi vèd bèin,/ ch’la va da e’ mèr a San Marèin,/ us véd Rémin da fóra al muri,/ la pjó bèla dal cria- turi.
Ivano Aurelio Muratori
Vogliono aprire il Ponte di Tiberio!/non credo che facciano sul serio,/ per le elezioni l’hanno sparata,/e hanno preso una cantonata.
Il ponte ha duemila anni,/ e sta in piedi benché in affanno,/ fin adesso si è salvato,/ ma non lo regge un discorso così.
Proprio oggi che finalmente,/ è trattato da monumento,/con l’invaso che gli fa da lago,/aprirlo ancora sarebbe uno sbrago.
È un ponte che è stupendo,/ e l’immagine che rende,/ è del la Rimini che è stata,/ quando era appena nata.
Adesso lì bello e splendente,/con la patina del tempo,/quando lo guardi fisso,/ nell’Ariminum ti par d’essere.
A vederlo contro la calata,/ con la luce bassa e smorzata,/ fa un effetto sensazionale:/ è il ponte romano più bello!
Di notte con le cinque arcate,/ tutte quante illuminate,/ con le stelle e la luna sopra,/ è più bello ancora.
Ma non c’è mica solo quello,/c’è davanti un gran piazzale,/ con i posti per stare seduti,/ per chi il panorama si vuole ve- dere.
C’è una vista, per chi vede bene,/che va dal mare a San Marino,/ si vede Rimini da fuori le mura,/ la più bella delle creature.
