Home > La puèšia ad Muratori > I tóf da la palèda

A m’arcòrd di tóf se pòrt,
fat tènt per zóg quant per spòrt,
pjó o mènc ziquènt’an fà,
da quii che adèss j’è só d’étà,

D’ilé, butès te mèr,
l’éra spètaculèr,
ui vléva parèć curag,
zà ch’un gnéra e’ salvatag.

Alóra u n’éra cum adèss ,
i tóf te pòrt j’éra pèrmès,
se non èltre tulèrèd,
maj nisun l’è stè multèd.

La punta dla palèda,
l’éra e’ sit per la bravèda,
i tufadór un sóra cl’èlt,
e is tufèva d’arbèlt.

U j’éra chi e’ titubèva,
un savèva cum ch’us fèva,
l’arivèva pu e’ spintòun,
e zó te pòrt se cascadòun.

Is tufèva i pjó quajun,
se tóf fat ad spuntun,
s’un plaf tla aqua de pòrt,
e i vniva só sè còl stòrt.

Invèci ch’i pjó scafèd,
is butèva da ranicèd,
sal gambi dal brazi alghèdi,
cnusudi cmè scaranèdi.

In asòlut e’ pjó bèl,
l’éra e’ däpie sèlt murtèl,
una ròba da campiun,
ch’e’ riusiva sna ma un.

U jéra chi tla palèda
e’ féva la travarsèda,
ad qua e ad là de pòrt,
pu us mitèva a fè e’ mòrt.

Dal simpatichi macèti,
al féva i tóf sal biciclèti,
e la zèinta la ridéva,
per al matèdi ch’i féva.

U jéra al dòni ch’al rugiva,
mi masciun ch’is tuféva,
tal gl’jaqui de pòrt,
dai bel che t ci e’ pjó fòrt.

L’ éra un circo tót i dé,
du ch’us vidéva sèinza paghè,
i tufadór ch’i s’ešibiva,
e tótt quant ch’is divèrtiva.

Ivano Aurelio Muratori

I TUFFI DALLA PALATA

Mi ricordo dei tuffi sul porto,/ fatti tanto per gioco quanto per sport,/ più o meno cinquant’anni fa,/ da chi adesso è su d’ètà.

Di lì, buttarsi in mare,/ era spettacolare,/ ci voleva parecchio coraggio,/ già che non c’era il salvataggio.

Allora non era come adesso,/ i tuffi nel porto erano permessi,/ se non altro tollerati,/ mai nessuno è stato multato.

La punta della palata,/ era il sito per la bravata,/ i tuffatori uno sopra l’altro,/ si tuffano all’indietro.

C’era chi titubava,/ e non sapeva come si faceva,/ arrivava poi lo spintone,/ e giù nel porto col cascatone

Si tuffavano i più coglioni,/ con un tuffo a testa in giù,/ con un plaf nell’acqua del porto/ e venivano su col collo storto.

Invece quelli più scafati,/ si buttavano da rannicchiati,/ con le gambe dalle braccia legate,/ conosciute come “scaranate”.

In assoluto il più bello,/ era il doppio salto mortale,/ una roba da campioni,/ che riusciva solo a uno.

C’era chi nella palata,/ faceva l’attraversata,/ di qua e di là dal porto,/ poi si metteva a fare il morto.

Delle simpatiche macchiette,/ facevano i tuffi con le biciclette,/ e la gente rideva,/ per le mattate che facevano.

C’erano le donne che urlavano,/ ai maschioni che si tuffavano,/ nelle acque del porto,/ dai bello che sei il più forte.

Era un circo tutti i giorni,/ dove si vedevano senza pagare,/ i tuffatori che si esibivano,/ e tutti quanti che si divertivano.

Ultimi Articoli

Scroll Up