Home > La puèšia ad Muratori > Mè a ne vòj l’apéricèna

Sgänd mè l’apéricèna,
l’è tót ‘na mèssa in séna,
pjó per jèćć che per la pènza,
sèinza un mènim ad sustènza.

U jè ‘na masa d pléc,
l’ananas fat a spéc,
mlòun e parsót crùd,
fritlini d’ òmne nùd.

Al tartini e pu al bruschèti,
ògni gènèr ad pizèti,
la spianèda e murtadèla,
e la pièda sla nutèla.

E’ cavièl, e’ salmòun,
agl’jòstrichi sè limòun,
di tuchèt ad bècalà,
tóta ròba ad qualità.

Lan si magna mo las plèca,
lan si biasa mo las lèca,
impnis sa quèla ch’ilé,
u s’à da bazilè.

L’apéricèna a giria,
ch’la n’è da butè via,
mo ròba da fighèt,
ch’jà pjó d’un vizièt.

I s’impnès ad gin fizz,
d Martini ras e ad Spriz,
ad Prusèc Valdubièna,
l’as dl’apéricèna.

Tóta ròba ch’la imbrièga,
l’arvèina dla magnèda,
e’ dòp tót ch’i bivarùn,
un vò magnè pjó nisun.

Tótt i pèpa cmè gazùt
a bèc vèrt per fé di rótt,
per furtuna ch’i fà isé,
che sina i putria s-ciupè.

Mo quèsta l’è la mòda,
e i zóvni lasa chi gòda,
il fà sl’apéricèna,
sèinza fès un prubléma.

Quand jà fnì e i va via,
i s’imbuša tn’ustèria,
pèr impnis al budèli,
s’un bèl piat ad tajadèli.

Ivano Aurelio Muratori

IO NON LO VOGLIO L’APERICENA

Secondo me l’apericena,/ è tutta una messa in scena,/ più per gli occhi che per la pancia,/ senza un minimo di sostanza.

Ci sono molte cosine,/ l’ananas fatta a spicchi,/ melone e prosciutto crudo,/ fritelline di uomini nudi.

Le tartine e poi le bruschette,/ ogni genere di pizzette,/ la spianata e mortadella,/ e la piada con la nutella.

Il caviale, il salmone,/ le ostriche col limone,/ dei tocchetti di baccalà,/ tutta roba di qualità.

Non si mangia ma si spilluzzica,/ non si mastica ma si lecca,/ riempirsi con quella lì, / c’è da preoccuparsi.

L’apericena direi,/ che non è da buttar via,/ ma roba da fighetti,/ che hanno più di un vizietto.

Si riempiono di gin fizz,/ di Martini rosso e di spritz,/ di Prosecco Valdobbiadene,/ l’asso dell’ apericena.

Tutta roba che ubriaca,/ e rovina la mangiata,/ e dopo tutti quei beveroni,/ non mangia più nessuno.

Pippano tutti come i passeri,/ a becco aperto a far dei rotti,/ per fortuna che fan così,/ che sennò potrebbero scoppiare.

Ma questa è la moda,/ e i giovani lascia che godano,/ lo fanno con l’apericena,/ senza farsi un problema.

Quando han finito vanno via,/ e s’imbucano in un’osteria,/ per riempirsi le budella,/ con un bel piatto di tagliatelle.

Ultimi Articoli

Scroll Up