Home > La puèšia ad Muratori > Sèimpre sla bèrba fata

Un bèl òm, sla bèrba fata,/ sla camiša e la gravata,/ sa dó gäzli ad bòn udór,/ e’ fà ‘na figura de Signór.

Alóra mè per nu sbajè,/ am faz la bèrba tótt i dé,/ che s’la slänga parèć,/ a per ènca pjó vèć.

Länga mè an la supòrt,/ j šbèrba sinènt i mòrt,/ e quii ch’in se la taja,/ jà la faza da canaja.

Mè a vòj la pèla lèsa,/ che se una lam strèsa,/ gióst per fém ‘na carèza,/ a n’ò i pil ch’i s’indrèza.

E pu quand ch’a faz l’amór,/ an vòj sintì che pizgór,/ dòp am grat e’ barbèt,/ léa lam véd e la šmèt!

Invèci s’ò la bèrba fata,/ lam bèša, la fà la mata,/ sal ganasi tända e’ nèš,/ du ch’ am só apèina rèš.

Quand lam sint la pèla lèsa,/ cume quèla d’una bèsa,/ e la s’azèrda da tuchèla,/ la jà un’atraziòun fatèla.

Per la bèrba a sò sincér,/ mè an vag de barbiér,/ am la faz dà per mè,/ du ch’a sò, ilé per lè.

Ivano Aurelio Muratori

SEMPRE CON LA BARBA FATTA

Un bell’uomo con la barba fatta,/ con la camicia e la cravatta,/ con due gocce di profumo,/ fa una figura del Signore.

Allora io per non sbagliare,/ mi faccio la barba tutti i giorni,/ che se si allunga parecchio,/ sembro anche più vecchio.

Lunga io non la sopporto,/ sbarbano perfino i morti,/ e quelli che non se la tagliano,/ hanno la faccia da canaglia.

Io voglio la pelle liscia,/ che se una mi striscia,/ giusto per farmi una carezza,/ non ho i peli che si raddrizzano.

E poi quando faccio l’amore,/ non voglio sentire quel pizzicore,/ poi mi gratto il mento,/ lei mi vede e smette.

Invece se ho la barba fatta,/ mi bacia, fa la matta,/ con le guance attorno al naso,/ dove mi sono appena raso.

Quando mi sente la pelle liscia,/ come quella di una biscia, /e si azzarda di toccarla,/ ha un’attrazione fatale.

Per la barba son sincero,/ io non vado dal barbiere,/ me la faccio da solo,/ dove sono, lì per lì.

Ultimi Articoli

Scroll Up