Home > La puèšia ad Muratori > Tòtt in riga!

Ò vòja d’ libertà,/ da andè vi’ da d’iquà./ S’avès dó bèli èli,/ a vularia in èlt sal stèli.

Pèr guardè d’ilasó in èlt,/ e’ mänd ch’u s’è arbèlt,/ tót in pr’ éria e sót sóra,/ e capì se zira ancóra.

A vój fóz per nu sintì,/ tót quèl ch’is vèin a dì,/ bušii, imbròj, patachèdi,/ d’arbòf cunfèziunèdi.

Un s’ pò andè avènti isé,/ e bé al bali cmè e’ cafè,/ a fénz d’ ès sudisfàt,/ per pasè ènca da màt.

Mè an gni dag un gran pès,/ tènimòdi am sò arès,/ ò i tap t’ agl’jurèci,/ ch’a n’ò sintì parèci.

Mè an prèg gnènca e’ Signór,/ un mi mènca l’amór,/ mo pur tròp um per mu mè,/ che Ló e’ lasa un po’ andè.

Giustamèint e’ Pepa e’ prèga,/ e’ la zèinta las ne frèga,/ quii ch’i cmanda in sint,/ jè sòrd o i fà finta d gnint.

Bšägna sperè in Ló,/ ch’il sinta d’ilasó,/ Dio un fàra miga fa diga,/ a mèt tót la zèinta in riga.

Ivano Aurelio Muratori

Ho voglia di libertà,/ d’andare via di qua,/ Se avessi due bel le ali,/ volerei in alto sulle stelle.

Per guardare da lassú in alto,/ il mondo che si è ribaltato,/ tutto per aria e sottosopra,/ e capire se gira ancora.

Voglio fuggire per non sentire,/ tutto quello che ci vengono a dire,/ bugie, imbrogli, patacate,/ per dispetto confezionate.

Non si può andare avanti così,/ e bere le balle come il caffè,/ a fingere di essere soddisfatti,/ per passare anche da matti.

Io non ci dò un gran peso,/ tanto mi sono arreso,/ ho i tappi nelle orecchie,/ che ne ho sentite parecchie.

Io non prego neanche il Signore,/ non mi manca l’amore,/ ma purtroppo sembra a me,/ che Lui lasci un poco andare.

Giustamente il Papa prega,/ e la gente se ne frega,/ quelli che comandano non sentono,/ sono sordi o fanno finta di niente.

Bisogna sperare in Lui,/ che lo sentano da lassù,/ Dio non farà mica fatica,/ a mettere tutta la gente in riga.

Ultimi Articoli

Scroll Up