Home > La puèšia ad Muratori > U n’éra un tradimèint!

Pas ir impruvišamèint,
mè zà méz indurmèint,
a intravéd una burdèla,
èlta, biònda, pròpie bèla.

Pèrfèta, sa bèli fòrmi,
un pèra ad tèti ènòrmi,
un cul a mandulèin,
ch’ui géva pròpie bèin.

Jèćć im s’éra azèš,
e a jò fat bäca da bèš,
agl’jò vérta al’impruviš,
per fèj véda un bèl suriš.

Ò vù cmè una višiòun,
dimpèt la télévisiòun,
sicóm ch’l’éra šmòrta,
la mi möj las n’è incòrta.

La m’à dét: dìm adèss,
ma chi che t mand i bèš?
T pèins ma qualche gnòca,
tam vò fè pasè per òca?

A sém iqué da všèin,
e té t fè e’ cretèin,
ma chi t fè tót chi suriš?
adèss però ta m’è diš!

An savèva cuša dì,
guaši guaši am sarià splì,
pu a jò dét: té t ci mata,
a guardèva ma la gata.

Tan la véd ilé stu-glèda,
ch’la miula inamurèda,
a jò fat un cumplimèint,
u n’éra un tradimèint!

Ivano Aurelio Muratori

NON ERA UN TRADIMENTO!

L’altro ieri, improvvisamente,/ già quasi addormentato,/ ho intravista una ra- gazza,/ alta, bionda, proprio bella.

Perfetta, con belle forme,/ con un paio di tette enormi,/ e un culo a mandolino,/ che le diceva proprio bene.

Gli occhi mi si erano accesi,/ e le ho fatto bocca da baci,/ l’ho aperta all’improvviso,/ per farle vedere un bel sorriso.

Ho avuto come una visione,/ davanti alla televisione,/ siccome era spenta/ mia moglie se n’è accorta.

Mi ha detto: dimmi adesso/ a chi mandi i baci,/ pensi a qualche donna?/ mi vuoi far passare per oca?

Siamo qui vicini,/ e tu fai il cretino,/ a chi fai tutti quei sorrisi?/ Adesso però me lo dici!

Non sapevo cosa dire,/ quasi quasi mi sarei sepolto,/ poi le ho detto,/ tu sei matta,/ guardavo la gatta.

Non la vedi lì sdraiata,/ che miagola innamorata,/ le ho fatto un complimento,/ non era un tradimento.

Ultimi Articoli

Scroll Up