Home > La puèšia ad Muratori > Vècia ma chi?

La Règina Elisabèta,/ lan la zóza la purèta,/ d’ès ciamèda vèćia,/ lan gni sint da cl’urècia.

Sla tèsta la jè ancóra,/ las dà da fè e la lavóra,/ una dòna ècèziunèla,/ ch’la n’è ancóra in zampanèla.

La à dét, non per gnint,/ ch’la jà jan che las sint,/ un si sa ch’ja dè l’idèa,/ che i su an lai cònta léa.

Un zcórs ch’un fà ‘na piga,/ fat per chi u jà dè dl’antiga,/ ma léa, che ancóra bèla,/ las crèd una burdèla.

E’ pò ès ‘na su virtù,/ o e’ sangvi ch’la jà bló,/ ch’ui mantéin frèsca,/ la faza e la franzèsca.

I po ès i whisky bòn,/ ch’la bèv cume un òm,/ ch’i fa fè la pè la lèsa,/ cume quèla d’una béssa.

La pò ès l’èlèghènza,/ ènca quèla la jà impurtènza,/ sè capèl e’ un vistid biènc,/ ii dà tótt dièš an ad mènc.

Nuvèntazincan e pasa,/ un s’pò dì ch’i sia ‘na masa,/ sóratót per ‘na regìna,/ che ad grèzia la è pina.

Mo sla fós stè una purèta,/ sèinza capèl, sèinza vèlèta/ i nu vèntazincan ch’la jà/ lai sintiva tót, léa lal sà!

Ivano Aurelio Muratori

La Regina Elisabetta,/ non la ciuccia la poveretta,/ di essere chiamata vecchia,/ non ci sente da quell’orecchio.

Con la testa c’è ancora,/ si dà da fare e lavora,/ una donna eccezionale,/ che è ancora lucida.

Ha detto, non per niente,/ che ha gli anni che si sente,/ non si sa chi le ha dato l’idea,/ che i suoi anni li conta lei.

Un discorso che non fa una piega,/ fatto per chi le ha dato dell’antica,/ a lei, che ancora bella,/ si crede una bambina.

Può essere una sua virtù,/ o il sangue che ha blu,/ che le mantiene freschi,/ il viso e la francesca.

Posso essere i whisky buoni,/ che beve come un uomo,/ che fanno fare la pelle liscia,/ come quella di una biscia.

Può essere l’eleganza,/ anche quella ha importanza,/ col cappello e il vestito bianco,/ le danno dieci anni dimeno.

Novantacinque anni e passa,/ non si può dire che siano molti/ sopratutto per una regina,/ che di grazia è piena.

Ma se fosse stata una poveretta,/ senza cappello senza veletta,/ i novantacinque anni che ha,/ li sentiva tutti, lei lo sa!

Ultimi Articoli

Scroll Up