HomeLa puèšia ad MuratoriE’ vèin nucìv ma la saluta?


E’ vèin nucìv ma la saluta?


14 Gennaio 2023 / Ivano Aurelio Muratori

Zà i Gréc e pu i Latéin,
i brindéva cun e’ vèin,
e l’éra ògni bivuda,
fata a pró dla saluta.

Ènca òz us fà isé,
e quand che un e’ vò bé,
e’ diš: cin cin a la saluta!
Perché e’ vèin l’aiuta.

E’ fà sangue e’ dà vigór,
ul diš ènca e’ dutór,
che un bicér ad vèin,
la saluta u la mantèin.

L’Euròpa, per quèl ch’e’ vèl,
la diš ch’e’ vèin e’ fà mèl,
e sl’ètichèta bšägna scriv,
bèin in grand ch’l’è nucìv.

E zà ch’jè dré ch’i scriva,
ch’ènca l’aqua l’è nuciva
se un šgrazièd un bév tròpa,
té zir ad pòc e’ s-ciòpa.

Sl’è cumè ch’ja dét,
sè vèin us täca šmèt,
a bivém l’aqua de pòz,
ènca sla rèsta se gòz.

Mè al dég isé per dì,
tinimòdi an stag sintì,
l’Euròpa la s’è pèrsa,
la ragiòuna a l’arvèrsa.

Cus ch’la diš mi cuntadèin?
ch’i šmèta da fè e’ vèin,
e che pu lai dà un aiut,
un indenèz, un contribut.

Ch’jà da cavè la végna,
ch’j faza tóta lègna,
che però in pò brušè,
che e’ fóg i l’à vietè.

Quèsti agl’jè asurdità,
dai EurE’ vèin nucìv ma la saluta?òpa cum ch’us fà,
a fè dal ròbi isé,
ch’ut faza Dio turnè indré!

Ivano Aurelio Muratori

IL VINO NOCIVO ALLA SALUTE?

Già i Greci e poi i Latini,/ brindavano col vino,/ ed era ogni bevuta,/ fatta a favore della salute.

Anche oggi si fa così,/ e quando uno vuole bere,/ dice: cin cin alla salute,/ Perché il vino aiuta.

Fa sangue, dà vigore,/ lo dice anche il dottore,/ che un bicchiere di vino,/ la salute la mantiene.

L’ Europa, per quel che vale,/ dice che il vino fa male,/ e sull’etichetta bisogna scrivere,/ ben in grande che è nocivo.

E già che ci son dietro che scrivano,/ che anche l’acqua è nociva,/ se un disgraziato ne beve troppa,/ nel giro di poco scoppia.

Se è come hanno detto,/ col vino ci tocca smettere,/ beviamo l’acqua del pozzo,/ anche se resta sul gozzo.

Io lo dico così per dire,/ tanto non sto a sentire,/ l’Europa si è persa,/ ragiona alla rovescia.

Cosa dice ai contadini?/ che smettano di fare il vino,/ e che poi dà loro un aiuto,/ un indennizzo, un contributo.

Che devono togliere la vigna,/ che faccian tutta legna,/ che però non possono bruciare,/ che il fuoco l’hanno vietato.

Queste sono assurdità,/ dai Europa come si fa,/ a far delle cose così,/ che ti faccia Dio tornare indietro.


articolo precedente
articolo successivo